كشفت الفنانة سما المصري عن تعرضها لمشكلة صحية نادرة، مشيرة إلى أن هذا المرض عادةً ما يصيب لاعبي كرة القدم فقط.
وقالت سما المصري في منشور عبر صفحتها الرسمية على «فيسبوك»: "جايه لك يا إمام يا عاشور احجزلي في السرير اللي جنبك.. أشعة الرنين ظهرت.. قالى عندك التهاب في (أكيلس) القدمين اليمين والشمال.. وفي بوادر زوائد عظمية وقالولي إن لعيبة الكورة بس هم اللي بيجيلهم المرض النادر دا".
وأضافت الفنانة: "بسم الله ما شاء الله بقى عندي حاجة نادرة وكمان زي لعيبة الكورة بقيت مشهورة زي زيزو وبن شرقي.. قالى ممكن نلحق الموضوع وميكبرش.. الحق انت بقى يا دكتور".
وأوضحت سما المصري أنها تعتمد على العلاج الدوائي، لكنها تشعر بصعوبة الحركة، قائلة: "أنا ماشية بالأدوية ومسنة ومش قادرة ألحق غير الأتوبيس وهو بيجري.. صباح الفل الحمد لله".
