وجهت جهاد أحمد، طليقة مطرب المهرجانات عصام صاصا، رسالة حادة لمتابعيها عبر خاصية "الستوري" على حسابها في إنستجرام، منتقدة الهجوم الذي تتعرض له، وقالت: "كمية المرض بقت غير طبيعية، وأنا منفصلة من فترة طويلة، مش عشان امبارح كنت مع أصحابي وكل واحد معاها مراته أو خطيبته".
توضيح سبب إعلان الانفصال
وأضافت جهاد أنها اختارت التحدث عن انفصالها في هذا التوقيت بعدما تكرر سؤال المتابعين عن مكان زوجها السابق، موضحة: "أعلنت دلوقتي عشان ناس كتير بتسأل جوزك فين، فقولت أريحكم وأقول إن علاقتنا انتهت، لا هو في حياتي ولا أنا في حياته".
وأكملت طليقة صاصا حديثها بلهجة غاضبة، مؤكدة رفضها تحويل الأمر إلى مادة للترند، وقالت: "مش عشان تاخدوا الموضوع ترند يا عالم يا مريضة، بس خلاص قلة أدب بقلة أدب"، مهددة باتخاذ إجراءات قانونية ضد أي شخص يتجاوز في حقها:
"اللي هيطلع يتعدى أو يتطاول بالكلام، فوق إن هو بيوصل الخبر، أنا كمان هاخد كلامه وأقدم بلاغات، حتى لو هعمل ألف بلاغ في يوم واحد".
