كشفت والدة الطفل محمد ضحية زميله في واقعة "المنشار الكهربائي" حقائق صـادمة عن القضية، مشيرة إلى أن زميله قام باستدرجه إلى المنزل وربطه لتنفيذ جريمته، قائلة:"أنا مش مقتنعة لحد دلوقت إن ابني مات".
حقائق صادمة في ضحية واقعة "المنشار الكهربائي"
وتابعت خلال لقائه مع مذيعة "المحروسة"، أنها تريد العدل وتعديل القانون من أجل حق ابنها، قائلة:"أنا في صدمة وغيبوبة من وقت وفاته ومش قادرة أصدق إن محمد مات.. الكابوس مش عارفة أخرج منه أو إن ابني مات بالطريقة البشعة دي.. أنا مش مصدقة".
وقالت:" آخر مرة وهو رايح المدرسة الأمور كانت عادية، ومفيش حاجة، أنا لحد دلوقتي في كابوس، وحاسة إني هنام أوصحى ألاقي ابني مات داخل عليا البيت ويقول لي أنا لسه عايش".
وأوضحت، أن زوجها كشف لها عن وفاة ابنهما تدريجيا، قائلة:" في الأول عرفني الموضوع واحدة واحدة وقال لي إن هم لاقوا محمد، وبعد كده عرفت إن هو مات، ومكنتش مصدقة من الصدمة.. وهو ده مش صحبه زميل دراسة وابني على طول معايا في البيت مكنتش برضى أخلي يخرج برا البيت، وهو كمان كان سارق تليفون محمد".
وأكدت أنها على ثقة بعودة حق ابنها محمد، قائلة:"عايزة القانون يتعدل ويتغير علشان خاطر حق ابني، لو عليا أن عايزة اعذبه زي ما عذب ابني، والقانون يتغير علشان مفيش حد يحصل معاه زي ما حصل مع محمد ابني".
